Tag: 黒布街

拉麵來@黒布街 – 旺角終於有間似樣啲嘅拉麵店

即係咁,要寫拉麵來黒布街分店,一定要用廣東話,因為成件事多左一位叫 LuLu 既女士,以 LuLu 呢個名及發音又好廣東話。試想下,以前我地講「LuLu」,好多都都係形容啲人「LuLu」,例如:「咁都唔識,你真係LuLu啦!」。 隨著時代變遷,今時今日講「LuLu」又已經唔同哂。如果你講「咁都唔識,你真係LuLu啦!」,SORRY!人地未必知你講咩,反而你要話「咁你都中,你真係LuLu啦!」就會明啦!點解,因為只要「LuLu」撐個隊波,佢就會輸,所以「LuLu」又幾乎與「燈神」劃上等號。如果你唔知咩係「燈神」,又唔知「LuLu」,咁你最多只係一個生活係香港既外國人,並唔係一個真正既香港人,猶或者你完全「離哂地」。唔明?總有一日你會明既。 對於拉麵,石先生始終還是喜歡最基本的「濃厚豚骨湯」。濃湯、蔥蒜味加上硬的拉麵是石先生的選擇,吃下去濃湯沒有超濃及超好味,但又不會食完感到大量味精道,加上特別點選的硬麵還真的夠硬,也就很合石先生的口味。 總體來說,拉麵來旺角店並不算是超高水準,跟大坑有些差別,還有進步的空間,但在旺角來說,要食真係要揀拉麵來。對手?仲未試到對手係邊。 Ramen Kureha九龍店 地址:旺角黑布街23號地下 查詢:2715 0811