Tag: 講男

港女.講男 – 觀後感

0131hrs:依家仲睇緊,到底港男係咩呢?我都想知。睇完補返啲評語。 0156hrs:剛剛睇完呢個特輯,非正式統計今次搵的人同辯證好似無上次港女個集咁多,唔知係咪呢?或者可能同港男呢個題目無港女咁 HIT 有關,也或者係比較少港男肯出鏡。但整體感覺不錯,起碼係港女篇後,有港男篇,可以做返個平衡,也可以帶出現時社會男女關係的問題。跳轉看更多評語及片段。 另一方面,片段中有女士指現時女士的地位好像較高。我覺得呢個同傳統社會男女地住及社會對男女的期望很有有關係,傳統男地位較高,女地位較低。所以當社會在不同時期講求平等時,女士成功後便會較有自信,相反男士成功好像是必然,這樣對未必太成功或遇上一個較自己成功的女士時,男士的自信便會較低。 我覺得這個就是陶生講的東西,所以我覺得佢話「男士要有承擔」呢個講法都係基於傳統思想。(我唔係話呢樣唔啱。)事實上好多時都要睇唔同情況,但男士的確要檢討下。 片段指電車男大概係上網、打機、睇動漫。咁我只係上網,咁我算唔算係電車男呢?如果唔係,咁我地呢班成日睇 Blog,上 Twitter / Plurk,成日上網嘅人係咪有另一個名詞。因為我地有男有女,而且都唔算唔識溝通,又唔係無男女朋友。咁我地又有咩名字呢?我們是博客吧!(大家覺得呢?)