Tag: 襟花

做兄弟,搞掂個「襟花」最實際!「襟花」咁整最穩陣,花靚夠直無煩惱

石先生做得兄弟多,總會學到一兩下小秘技。 其實男士做兄弟真的很休閒,除了早上被姐妹玩下外,唔飲得酒嘅連頂酒都唔駛,相對於姐妹要晨咁早起身,真係差好遠。當然啦!每位新郎哥都好緊張,明明九點半先上樓,都要你六點半係樓下等。 未做過兄弟的自然緊張,但其實做多幾次你就明。九點半上樓,準時的話九點先係樓下集合絕對無問題,一隻半隻死野真係夠膽遲到都根本影響不了。因為成個接新郎環節最緊要有一個人到 - 「新郎」,其他人根本唔重要! [youtube https://www.youtube.com/watch?v=videoseries?list=PLh--jw41irwk72d4gf57fGuwRSG_JWVH1&w=560&h=315] 講完多次兄弟後感言,石先生還是言歸正傳。 兄弟唯一比較要裝飾的正正係「襟花」,而市面上的襟花大多以針來拮西裝褸,認為十分穩陣,但其實此舉一點都不好。既會拮爛西裝褸之餘,好容易就會把花的莖部露出來,十分不好看。   因此,石先生今次要教大家的是最容易,也最穩陣的「襟花」放置方法。 方法好簡單,你只要好似上圖咁,拿硬卡紙度成一個各自兄弟西裝袋的尺寸,然後把「襟花」的莖部貼上去,把「襟花」流在硬卡紙的上法,然後把整份硬卡紙放進西裝褸的袋內即可。 「襟花」即時穩穩陣陣在西裝套上展示出來,既不會左搖右擺,而且可以經歴各種風浪。 一時三刻沒有硬卡紙,拿起 A4 紙等摺成西裝袋尺寸也可。貼紙最好不要用普通膠紙,以免有水會滑落,拿牛皮膠紙或藥線膠紙最好。