Tag: 粉腸

【香港.深水埗】「合益泰小食」- 識食只會食腸粉

提起「合益泰小食」,好多人會講腸粉。無錯!「合益泰小食」最好食係腸粉,也都係最值得食嘅野,因為「合益泰小食」有粥食、有燒賣食,但水準都不及腸粉咁保持水準。 或者咁講,「合益泰小食」腸粉水準保持到最主要原因係佢多人食,加上醬料嘅關係,所以水準可以一路保持不跌,但係咪好食到翻天覆地,咁又唔係,係保持到以前個種味道囉! [youtube https://www.youtube.com/watch?v=videoseries?list=PLh--jw41irwk72d4gf57fGuwRSG_JWVH1] 要搵「合益泰小食」其實一啲都唔簡單,因為「合益泰小食」位於一堆排擋後面,輕易被遮擋。如果唔係識路或者細心的話,很容易錯過。「合益泰小食」門口總係有好多人排隊買外賣,而如果你係堂食的話,則可以直入「搶位」。 無錯,「合益泰小食」繼續係幾十年來的搶位做法,完全無人安排座位,而且有啲位仲有個風扇吹住,一定都唔算好舒服,星期六日去仲會好多人迫,但有時候你不得不懷念這種爭位。雖然係有啲讓人不知所措,但其實又幾自律,起碼你見到帶埋細路個啲,真係有人讓佢位,唔會同佢鬥快。 講番轉頭,其實「合益泰小食」啲腸粉好食原因在於唔散,而唔散其實又因為係機造(我估),你睇樓下啲腸粉幾整齊,你話人可以做到咁整齊,仲要條條一樣的話,咁個個一定係大師。 機造就唔好食?咁又唔係,因為「合益泰小食」腸粉好食在於啲醬。個種麻油溝、䜴油溝好哂比例,自已只要加甜或辣完全係精華所在。有人會覺得自已溝先好食,但如果溝得唔好,䜴油入哂啲腸粉到,或者太多麻油的花生醬,又無咩油包住啲腸粉,啲腸粉係咁吸啲醬,到時就一定唔滑,所以調好哂可以保證啲油包住啲腸粉,咁就必定滑口。 女士睇到呢到應該會有啲驚,話哂有個「油」字,但其實你又唔係日日食,有咩好驚呢?驚?食左先啦! 合益泰小食 地址:深水埗桂林街121號地下 [googlemaps https://www.google.com/maps/embed?pb=!1m14!1m8!1m3!1d14762.460396157914!2d114.161306!3d22.330392!3m2!1i1024!2i768!4f13.1!3m3!1m2!1s0x0%3A0xbce41d6c884da030!2z5ZCI55uK5rOw5bCP6aOf!5e0!3m2!1sen!2shk!4v1415707718047&w=600&h=500]