Tag: 空有外表、食物質素一般

【香港】「鳴門魚市場居酒屋」- 空有外表、食物質素一般

鳴門魚市場居酒屋位於荃灣荃新天地內,裝潢以模仿日式傳統店舖為主,但桌與桌之間的位置有點擠迫。不過,店內的服務員態度不錯,很友善,也很有耐心,儘管我們查單時發現有錯誤,也很友善,再次檢查時也沒有露出不悅的表情。 鳴門魚市場居酒屋的食物外表不錯,食材擺放很用心,幾乎每一道菜也經過精心擺放,十分精美。可惜,食物卻空有外表,沒有內在,像上圖這款燒三文魚親子飯,雖然賣相吸引,但飯是硬的,而且有點冷,沒有飯香。 唔明石先生講咩?睇下上圖呢碟卷物,係咪好靚呢?用料足、賣相靚,應該好正啦! 但事實係,有舊散左,但照上碟(上碟個時服務生睇住佢散),而且食落其實無咩味,勁普通。 另一樣比較奇怪的是這款燒芝士雞翼,明明係雞翼,係有燒到,但點解入面係釀豬肉?芝士?都有少少味既,但豬肉味重重囉!成件事好怪。 更奇怪係,上圖呢碗飯叫剪鵝肝三文魚籽飯,同第一幅圖個碗燒三文魚親子飯價錢一樣,餐牌上的位置也緊貼,但分量就差好遠囉!飯得兩啖,試問可唔可以寫番清楚啲呢?分開番兩樣飯呢?