Tag: 海老名拉麵

【香港.長沙灣】海老名拉麵 – 油浸麵唔啱我

夜晚餓餓地,走去屋企附近的無招牌「海老名拉麵」。 店員入門口就説這裡是吃「沾麵」的,而且是以蝦湯為主。本以為這裡會有一家未來想吃可吃的拉麵店,但結果是一口油,一口麵,唔啱我,以後可以唔駛食。 海老名門口無標誌,唔係有次見到人排係門口,根本唔會留意到佢係咩! 當然舖頭咁細再玩下神秘,可以有啲話題,又可以有啲心思吸引人,但好唔好食,啱唔啱食就睇你自已口味啦!好明顯,佢唔啱我口味。 蝦汁味噌沾麵個湯係紅色的,成個都好紅,而石先生特別留意旁邊幾位食客,大家都叫唔同款式,但都一樣咁紅,而且更重要係「嚴重油」,湯面是一層厚厚的油。 當然,蝦湯會係油的,但如果咁油,油到食落去只有油味,沒有蝦味,又沒有其他味道,那是好的嗎?雖然這張相影得差,但大家應該仍然能夠看到油層有多厚。   拉麵本身夠硬,也有一定的口感,但拉麵本身與湯的配合不好,沾再多次也只能沾到湯上的油,其他味道基本上都沒有。 石先生本身沒有很喜歡吃油,所以對於這樣的油麵實在不太適合,有想吃油的朋友,可以一試。 總結一句:我過隔離食麥當勞會安心啲!