Tag: 桂林

【中國.桂林】Club Med 桂林,原來世界上有這種體驗型酒店

第一次去桂林,其實無咩點出市區,因為今次 GoPro 安排嘅活動主要都喺係 Club Med 桂林入面進行,唯一出外嘅就係返香港前一朝嘅遊河啦! 話說 Club Med 呢個酒店集團旗下嘅酒店未必係一般香港朋友嘅選擇,因為佢成個主題同政府起嘅渡假村一樣,酒店入面就有豐富設施,例如攀石、山地單車、空中飛人、歌舞表演及酒吧等各種運動,成個旅行都可以唔出外,以香港人鐘意四圍走嘅情況,真係未必太多人去 Club Med。 望返成個 Club Med 桂林嘅平面圖,你會見到佢除左游泳池及緩跑徑外,仲有網球場、射箭場、健身中心等等,加埋攀石、山地單車、空中飛人、歌舞表演及酒吧等,三日兩夜唔出去都唔係咩問題,完全可以係酒店入面玩到盡,好似返到以前去學校啲大宿營咁! 有幾好玩呢樣野就留番你自已體驗,但以桂林呢間來講,雖然中國大陸嘅遊客為主,但大多係一家大細,而且 Club Med 收費唔算好平,但也唔係超貴(無暴發戶),住客嘅質素都相對都高少少,文明好多,要見到個啲飲醉酒亂來嘅呢度幾乎都無,最多都係爺爺奶奶等成家人係玩。   酒店本身嘅房間都有啲特色,唔係傳統嘅酒店房,都係比較似一間宿舍咁,有個廳仔,有張書枱,然後先係浴室及睡房。整間客房以木為主,配合番呢度咁大自然嘅環境。 值唔值得來呢?如果情侶嘅,除非你地好鐘意戶外活動,否則未必適合,但如果你係一家大細想去外地玩下,去日本韓國台灣呢啲去到悶,來 Club Med 桂林都可以,始終係呢到已經夠你玩幾日,唔駛出外,有大有細係度玩夠哂安全易控制,而且香港桂林來回有直航都好簡單,算係一個三小時機程內可以去嘅渡假點。 很簡單的雙人床 半透明浴室,幾乎每家新酒店都是這樣。 簡單的書桌,但就是有點小。

【中國.桂林】飛機場就可以看出「桂林山水甲天下」是什麼一回事

人到桂林,目的就係要參加 GoPro 活動,體驗最新嘅 GoPro Hero 5 Black 及 5 Session。石先生由細到大都聽過「桂林山水甲天下」呢句話,所以有機會來望下都幾開心,不過一來到桂林機場,你望下佢嘅設施就可以想像到佢嘅城市規模有幾大,從而想像到呢到到底係一個咩城市。 桂林機場唔大,同好多中國機場一樣,佢都有分內陸線及國際港澳台線,而國際港澳台線嘅規模就更細,由落機開始去到行李帶幾步路就搞掂,而行李提取區更只有兩條行李帶,你已經可以估到呢個機場有幾多國際港澳台航班。 設施來講,桂林機場其實唔算好舊,都係維持幾好嘅狀態,以中國機場來講其實無咩大灰塵算好好,而且係中國特色社會來講都算整齊,以中國二三線城市來講算唔錯。