Tag: 事項

準備買樓?你必須注意這些問題才不會買錯

香港樓難買,其實當你真係儲到錢買樓,揀樓都係一件好煩嘅事,因為你根本無咁嘅經驗,不知如何開始(唔好話買樓,租樓都夠煩)。 從理論來講,買樓有兩個選擇,一個選擇係發展商嘅新樓,另一個就係市場上嘅二手樓。如果你揀一手樓,走去示範單位現場好多經紀等你,經紀會同你介紹楝樓,幫你計首期、銀行按揭、印花稅、經紀佣金等費用,買樓步驟,現場又有銀行職員即時幫你嘗試做按揭,真係簡單過買二手樓好多,絕對係五星級招待。 掉番轉,如果你選擇買二手樓,咁你要想嘅野就好多。因為全香港都係二手樓,你到底揀邊個區嘅二手樓?每一個區有咩特別,一個區入面又以邊到好啲,交通、住宿等等如何?光係揀定一個區已經毫不容易。