Category Archives: 【無題】

02-2015-01-11 09.20.45

【無題】廉航

HK Express 早輪出事又換 CEO,今日一於借題發揮再同大家講下廉航呢樣野。香港地,提起廉航,幾乎同 HK Express 劃上等號。無他嘅,香港咁多年來都無第二間本地嘅廉航,曾經嘅甘泉航空都執埋,難怪 HK Express 係香港營運左幾年,都仲有好多人唔知咩叫廉航,上到飛機無飛機餐係度嘈,都唔知話唔話佢好。

vesper_lynd_007_any_girl

【無題】哲學

與哲學、心理有關的電影很多時候都能吸引觀眾,題材看起來千變萬化,但看多了仍然是那幾個老問題。

hong kong house

【無題】作病

​石先生細個傷風感冒嘅時候,個個都叫你食白粥,戒口,唔好食雞蛋,唔好飲汽水,食得清淡啲,好似咁做就會好快啲,但事實證明係咁做自己起碼病兩三日。

taiwan_taichung_travel_157

凡事求「好」,不求「完美」

講起寫文,石先生真係好耐無寫過,呢輪雖然都有出文,但都係啲一早寫開嘅文,同真真正正嘅寫文都有啲差別。不過咁講,呢篇都唔係平時寫開嘅文,算係抒發下,哈哈!

其實呢輪要做嘅野其實唔算好難,但好需要用時間,將一個 Web Site 由頭改落尾會唔會好難呢?話難唔難,話易唔易,睇你想要做到邊個位。細細個好多人同你講做野要求「力求完美」,但其實人大左你就發覺好多野根本唔可以「力求完美」,因為一旦「力求完美」嘅話你根本咩都做唔到,也都無可能完成。

唔「力求完美」咁點好呢?其實都唔係無辦法,辦法就係求「好」。「好」及「完美」係兩條唔同嘅線,一條係可以接受,一條係無任何缺點。要求「好」唔難,但要求「完美」就好難,特別係係有限時間之下要選擇嘅話,其實就更應該選擇求「好」,因為咁先係切實可行之法。

taiwan_taichung_travel_165

人生唔係線性,係充滿不確定性…

石先生呢輪都唔知做咩鬼,個人成日都多愁善感,鬼咁多唔知係咪人生道理嘅感情說話係個腦到湧出來,真係唔打出來屈住屈住個人仲唔舒服,所以都係打出來,咁石先生自己會好過少少。

人生來到三十幾,好命啲行左三分一,對人生總有少少體會嘅。人生軌跡呢樣野,由細到大唔知邊到都會話你知因果循環,然後係圖嘅解象都係線性,即係你做左 A 會有 B,然後會有 C 再有 D,但其實人生真係咁咩?

「因果循環」?係嘅,你做左啲野係會影響到其他野,但唔代表你做左 A 一定 B,唔代表你讀書叻就一定名成利就,讀唔到書就一塊爛,人生仲有好多因素影響,並唔係直線。

taiwan_taichung_travel_097

夜晚發嗡風,唔鐘意唔好睇

網絡時代有網絡時代嘅好,但也都有網絡時代嘅煩。

網絡時代人人都好可以批判,只要搵到理由,然後夠人多支持你就係真理,站在道德高地,其他人講嘅野都係錯,呢種情況近四五年愈來愈厲害。

石先生剛剛入行嘅時候會留言評論的網民尚會指正,指出錯誤,但今天除了罵你一句「傻仔」、「白痴咁都錯」等等,其實都無咩其他字詞,問多兩句就「教精你咩低能」走左去,罵人真係無咩成本可言,所以唔喺係網絡行走得耐嘅朋友,好容易就會被呢啲「網絡流氓」激親,搞到自己折壽,你話幾唔抵呢!

stoneip

那段苦練的日子(五)

在右欄望到「那段苦練的日子」這個奇怪系列,石先生自己重看一次就像回顧了自己的工作生涯。上回「那段苦練的日子(四)」講到「網絡偷文」,今篇就按時序繼續寫落去,時間回到石先生初入職「癮科技 X Engadget 中文版」之時。

除了「東抄西偷」外,石先生其實都有努力工作,開始會出去跑記者會。不過當時係公關無視網站時代,一個係香港大眾無咩知名度嘅網站要去記者會真係好難。

1-travel_stoneip_any_vietnam

「今個月唔做野,三個月後就會乞米」

作為晨型人,石先生當然早睡早起(2100訓0100起身),係早起無咩做嘅時候最好就係同大家講下廢話。

相信唔少人都知石先生近兩年開始左好聽叫創業,正經啲叫 Freelancer,唔好聽叫遊手好閒嘅生活。呢種生活踏入第三年開始更有感覺啦!

wemarriedasajob

搞網站,應該好易姐?你真係咁認為?

近年唔少新網站成立,傳統媒體又轉型做網站,網站真係多得厲害。望住一堆新網站,石先生又回想起好多年前入行做記者,同一位行家嘅對話。

係個個時候,網站唔多,與傳統媒體比較仍然係小眾,係好多人眼中都只係覺得「開個網站就當自已係記者」嘅階段。當然,「開個網站就當自已係記者」呢個想法仍然存在,但其實要做到一個網站有人睇,你估真係覺得咁易咩?

做過嘅人都知難,但未做過嘅人通常都覺得好簡單,覺得開左個網站就自然有人黎,然後做落左就有廣告,只要突破開網站呢關就解決問題。