成日話 Barcelona 無錢,咁幾無錢呢?少 41.6%

1. 呢個表幫到手啦!今季 Barcelona Budget 減左 41.7%,由上年嘅 656.4M 減至得番 382.7M 預算。同期皇馬都由 641M 減至 468.5M,但減幅只係得 17.6%

2. 呢個 Budget 唔係球會自定,係由西甲 La Liga 核算確認的。La Liga 與英超 EPL、歐聯財政規定唔同,唔係球會埋數先睇下有無蝕錢再決定罰唔罰,而係開季就要做 Budget Plan. Budget Plan 決定當季 Transfer Fee + Wages 等等可以駛幾多錢。

3. 因為 COVID-19 球會收入少左,所以 La Liga 每隊都預計賺少左,相對 Budget Plan 成個餅細左,支出也無可避免減埋。


4. Messi 續約不成就係因為咁啦!Messi 人工估算係 70M-90M 一年。以往 Barcelona 有 656.4M 可以用,當然俾得起,但依家得 382.7M,梗係俾唔起啦!仲有其他球員,營運開支,大把野要科水嫁!

5. 嘩!Barcelona 好慘呀,無左咁多錢,但其實按百分比佢唔係最慘,有隊無左 49.1%,無左一半 Budget 呀!唔係講緊出半份糧,可以咬儲蓄,而係你今佃只可以駛一半錢呀!幾難頂呀!

6. 一日都係 COVID-19 衰。咁你又睇 Real Madrid,人地都 COVID-19,一樣 La Liga 巨會,但財政有度,減得 17.6%,數係大,但減幅唔係咁巨,今年忍手唔買多個夏神,放一兩個後備就頂到啦!所以你唔見 Real Madrid 要賣主力,連成人話佢貴嘅 Bale 都可以留隊就咁解。

7. 至於之前話 Barcelona 如果肯簽 La Liga 同 CVC 傾掂份分紅 10% 合約就簽得成 Messi,依家你明未?因為簽左代表 Barcelona 多左收入,Budget Plan 個餅大返,咁支出又大返可以俾 Messi。

8. 不過咁,我係 Barcelona 會長都唔簽啦!今日唔借危機趕走 Messi,過多兩年有番錢點趕個老哂嘅 Messi 走呀!提早捱兩年重建隊波,球隊年青,球會又有番錢,仲唔駛放棄長期收入分紅,其實好事。


9. 不過咁,我係 La Liga 細會主席就鬧爆你 Barcelona, Real Madrid,你唔簽 CVC 合約,我少左一時收入,點同你玩,點營運呀!你一個 Messi 人工頂我大半間球會呀 XX.


本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。