科技網絡 消費產品 Magic-Pro QS120 開箱 - MacBook + Android 手機雙快充

Magic-Pro QS120 開箱 – MacBook + Android 手機雙快充

-

如果你平時手機係用 Android,好似 Samsung、華為、SONY 呢啲牌子,你應該都會知道手機充電係靠 USB-C,要用到支援 PD 或 QC 嘅充電器先可以行到快充。

一直以來,市面上嘅充電器,好多時候都話自己支援 A 支援 B,個個都吹到自己好大,話可以輸出幾多幾多,支援手機又支援電腦,但其實用過嘅都知道,佢地講嘅輸出只係單一輸出,即係佢雖然單個用嘅時候係支援 MacBook,但如果你同時插埋手機上去,就會超過左 Loading,令你充得手機充唔到電腦,而今次嘅 Magic-Pro QS120 就終於解決呢個問題,而且仲係支援埋 MacBook Pro。


先睇番 QS120 的插頭,本身有 2 個 USB-C,也都有 2 個 USB,分別支援 PD 3.0 及 QC 3.0,而如果你本身用嘅係 Apple MacBook / MacBook Pro 等,你插上 USB-C 線行 PD3.0 的插頭,你就可以用到快充幫裝置充電。如果係手機唔係行 PD,而係行 QC 充電的話,就可以插 USB-A 的位置,令手機可以享受快充的能力。


睇番規格,大家就明白點解 QS120 的特點,USB-C 兩個插哂都可以支援 60W-100W,而 USB-A 就支援 18W,用起上來速度唔會減慢。

講左咁耐我地都做個測試,係實際插哂 4 個 USB 頭嘅時候,你可以睇到其實成日 QS120 可以去到 140W 左右,比標示嘅 120W 加強,但似乎 Magic-Pro 有保守一點,僅標示 120W,但就算係咁都已經夠充兩部 MacBook Pro + 手機 + 流動電池,夠哂實用。


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。