科技網絡 Bose Frames 智能眼鏡評測,好睇實用性價比高

Bose Frames 智能眼鏡評測,好睇實用性價比高

-

Bose Frames 美國推出後,石先生一直都好想買,但由於知道有亞洲版,所以一路等等等,直到今個月終於都係香港出亞洲版,可以入手慢慢用。Bose Frames 最特別係係鏡架兩旁有 Bose 微型發聲單元,仲有收音咪可以講電話及做語音控制。功能上主要以下幾樣:

聽歌

戴上 Bose Frames 就可以完全取代耳機功能,利用鏡架右側的微型麥克風及多功能按鍵,就可用開關機、配對藍牙,也可以切換或暫停播放內容。由於本身個喇叭係開放式咁對準耳仔,而唔係傳統耳機個啲 In-Ear,所以佢係唔會有咩抗噪或隔音功能。


你戴上佢也都可以清楚聽到旁邊嘅人講咩,對於好想靜靜地聽歌嘅朋友來講就唔啱用。如果你係 Office 用就可以一邊聽歌,睇戲,但又可以好清晰咁聽到老細叫你,係呢個用途上係一流的。因為除左你,你隔離位個同事,或者對面個同事,都係聽唔到你聽緊咩的。


係使用時間上,佢連續可以用 3 小時,唔算多,但都唔算少,朝九晚五係公司聽歌睇戲就未必夠用,但出街返屋企途中等就夠哂啦!另外,好重要要講三次,佢不是用垃圾般的骨傳導,佢不是用垃圾般的骨傳導,佢不是用垃圾般的骨傳導。

Google Assistant 廣東話控制

有電話時,鏡框會有語音通知,按下多功能鍵就可以接聽。想打電話時也可以通過 Google Assistant 或 Siri 打電話。講電話嘅聲音唔算十分出色,會有啲雜音等等,但仍然係一個可用嘅功能,相比起好多第一代嘅「真.無線」耳機好,但對比最新有主動抗噪嘅就差啲。

Google 今個星期正式係香港推出廣東話版的 Google Assistant,配合多功能鍵可以做到語音助手功能,充份發揮到佢嘅功能。


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。