石先生：「喂！仲咩咁遲呀～ 你唔係落左機好耐啦咩！去左邊玩呀」
禮儀男：「無去玩呀，搭車遲到，我都唔想嫁！塞左我成個鐘，完全無郁過。」
石先生：「哈哈！北京交通係咁差嫁啦！你搭地鐵麻，迫係迫啲但快過搭的士。」
禮儀男：「我知呀！我落機咪係機場搭『機場快軌』來市區囉！諗住最快係佢，點知佢壞左喎，行行下一半停左係到，架車關哂燈，無反應又無通知，等左成個鐘先開番，痴線嫁。」
石先生：「機場快軌都停電？唔係咁正呀～ 咁你咪熱到勁出汗，個架車無窗嫁喎！烈日當空仲唔焗到爆。」
禮儀男：「無冷氣都算，啲大陸人全部衝哂埋來車頭，迫到金鐘轉車咁，好彩我有位坐炸。」
石先生：「好多人咩？呢個時間應該唔多人落機架。」
禮儀男：「唔係呀，啲友話怕追尾，唔敢去車尾，車尾一個人都無，全部走鬼哂來第一卡，你話咁唔迫到癲呀。所以我返酒店再沖過涼先來炸，唔係你以為我淋完雨。」
石先生：「哈哈，無事就好啦！食野啦！叫左隻北京填鴨等你。」
