「做旅行社嘅,一定知啲人鐘意去邊」

「R,你地做旅行社嘅,一定知啲人鐘意去邊。」
「我地做旅行社嘅,當然睇住個市!」

「家下韓國咁,一定少左人過去啦,咁啲人去邊多?」
「去日本囉~ 日圓平麻,日本團好爆。」

「啲人唔怕幅射咩?香港人果然三分鐘熱度。」
「除左東京外,日本仲有好多地方,家下香港團六成去京阪」


「六成去京阪?咁啲野咪好貴?」
「點止貴!直頭一房難求,完全係插針都插唔入。」

「唔係喎!我見啲人仲訂到房呀!」
「一間半間要訂實訂到,但位置唔好價錢貴。」

「咁啲人去搵你地搞咩呢?」
「報團搵房都仲係好多嘅,我地其實唔會貴過上網自已訂。」

「咁你地實好發啦!」
「咁又唔係喎!今年其實市道差,好多人唔去旅行」

「又話大阪好爆?」
「大阪爆姐,整體差麻,食野啦,講咁多!」



本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。