小大意見 Tesla 降價關門店非因缺水

Tesla 降價關門店非因缺水

-

Tesla 降價關門店因缺水?分析員說是為了償還債務,極需流動資金。

石先生覺得這次改變一直都是他們的策略,Model 3 一早公佈,有哂時間表,唔提早都唔可以再好似以前咁遲太多,而且相對便宜的車價其實都要近 30萬。最近講到唔少人好興奮嘅 SUZUKI Jimny 頂配則賣 25萬。對於一個只能拿幾十萬買車嘅人來講,買架 SUZUKI 改車型啲定揸架無車牌都識嘅電動車 Tesla 型啲?


Tesla 出 Model 3,仲要提早出就係要殺一眾預告出電動車嘅傳統車廠一個措手不及。係你地未出電動車之前先搶呢批「願意洗錢但又唔算富豪」嘅客仔。需知道呢批客仔唔同富豪,唔會左邊一架 Tesla,右邊一架 Audi,得閒走去揸波子。


呢批客仔買左 Model 3 就係手上唯一嘅車,揸番 3,5,7 年唔在講。揸慣左 Tesla,熟習哂啲充電位及介面用法,過幾年叫佢換番部 Feature Phone 或者轉會去用 Android?就算肯制都唔少心理障礙。既然 Tesla 依家仲可以有「捨我其誰」嘅優勢,何不搶盡個 Market 再準備三年後紅海大戰呢?


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。