信用卡 / Mobile Payment 宏利:與 Planto 並沒有任何關聯。咁... 輸入宏利資料咪...

宏利:與 Planto 並沒有任何關聯。咁… 輸入宏利資料咪…

-

平時有用開理財 App 嘅朋友應該有留意近半年有個理財 App 叫 Planto。佢開頭主打一 App 睇哂各大銀行戶口及信用卡數據,而今年一月更加入新功能,可以睇埋 MPF 戶口,聽落真係好方便。

不過今次真係「極注意」。話說 Planto 支援嘅 MPF 公司之一「宏利」近日向員工發信,表明 Planto 與宏利並沒有任何關聯,並要求 Planto 將宏利商標及連結從 App 中刪除。最後更指員工如有客戶查詢,要提醒佢地採取商當措施保護個人資料。


既然宏利同員工講到咁,Planto 又同宏利無任何關聯,咁 Planto 係點得到宏利 MPF 數據呢?用 Planto 時輸入宏利帳戶資料後,會否即係有被盜用嘅危險呢?大家如果有用 Planto 嘅話似乎都係小心駛得萬年船。小心為上。



此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。