gini 開箱文,洗錢紀錄一目了然

到底這個月用了多少錢呢?錢又花在那裡呢?一張信用卡都還好,按官方 App 就查到,但如果你多幾張卡嘅話就已經煩到一個點。因為每間銀行有佢嘅密碼組合,有佢獨特嘅顯示方式,想一眼睇哂有咩支出,以前難過登天。

不過依家 gini 同全球金融數據整合服務供應商 Salt Edge 合作,可以快捷安全地連接全球 60 個國家,超過 3,000 間銀行,而 Salt Edge 本身有行業認可的安全認證,包括 ISO 27001 及支付卡產業資料安全標準(PCI DSS)。就係咁先令大家可以更簡單係一個 App 入面睇哂支出,清楚簡單。今次同大家開箱介紹尼個 App 叫 – Gini。如果你有 iPhone 或者 Android 嘅即刻 Download。連結在此:http://u.stoneip.info/giniapp

App Store 下載安全簡單

係 App Store 下載好簡單,其實你只要搜尋 gini 就可以搵到。下載成功後登入,gini 會叫你加入銀行資料,來到呢個位,你應該會問:嘩!就咁俾個銀行號碼及密碼會否危險?


呢個就係 gini 勁的地方,佢地同銀行的 api 連接,你輸入銀行號碼及密碼後,銀行會俾段 code 及加密數據去你手上的 gini App,而 gini App 本身的伺服器並不儲存資料,所以資料唔會過第三方手,安全好多。

 

加入銀行賬戶

用法其實唔難,選擇你想加入的銀行,例如石先生就是 American Express、恒生、CITIBANK 幾家,選擇銀行,然後按各銀行的需要輸入賬號與密碼。這樣就會出現下列的畫面。

gini 會先跟銀行建立一個安全連結,然後開始傳輸資料作認證,認證成功後便把你的賬戶資料進行加密處理,傳送到手機查看。

 

最新支出一眼睇哂

當你將賬號加入 gini 後,你可以直接望到各張信用卡的支出及銀行賬號的收入。好似下圖咁,gini 根據日子來排列,例如 9 Dec 個日的支出就有支付寶 $29,也都有兩次八達通自動增值 $250。

gini 上面有一個位置,係顯示唔同卡及賬戶,你可以選擇一次過哂全部,或者只係揀你想睇嘅賬號,按自己需要。例如石先生會把銀行賬戶的剔除,只睇信用卡支出。


 

以剛才的支付寶為例,當你按入去的時候,你可以睇到係邊張卡俾錢,用左係邊,也都可以睇到用左幾多次,平均支出、總支出係幾多。

gini 本身會幫一啲熱門嘅消費分類,等你可以睇到自己將啲錢駛係邊啲部份,而如果你想改的話,按編輯就可以更改類別,係後面嘅數據分析也就更清晰。

隱藏支出

你可能話咁平時洗幾多都知,睇來有咩用呢?gini 呢個 App 最重要的其實就係幫手睇一啲隱藏消費,例如自動轉賬,分期或者訂閱。例如石先生下圖你會見到有個 HK$8 嘅費用,呢個係其他 App 嘅訂閱費。石先生自己都唔記得左,但因為有 gini 望到有呢個費用,就即刻番入去 Google 取消佢。

也例如 17 Nov 有一個銀行費用,這個平常要不是仔細看月結單也不會發現,但現在在這裡很容易就看到,而且一看就記得是信用卡自動扣的年費,石先生也就馬上取消該信用卡,取回這 HK$1,800。


數據分析

只係睇每一個項的消費未必每次有用,但綜合整個月去睇就好簡單。gini 有一個分析工具,好簡單咁幫你將支出數字顯示出來,可以睇到支出有多少。例如 Nov 時的支出係 $10,851,而 Dec 截圖時係 $1,367,而通過比較可以見到有無用多左錢。

另外,也都可以用類型分析,分析例如交通、娛樂、帳單等有幾多消費,而更詳細例如睇戲、電費、百老匯等等也都可以拆出來幫你睇到。石先生個人最鐘意睇「最常消費」呢部份,因為咁可以最簡單睇到邊到買多左。

最後當然信用卡嘅部份可以睇到各張卡欠幾多卡數,而銀行賬戶結餘有幾多錢,而你又夠唔夠錢找卡數,到底會係月光族,還是有錢剩。想儲錢,唔駛運度揮霍,係時候裝 gini 望一望。

gini App:
iOS:https://itunes.apple.com/hk/app/gini-beta-spend-tracker/id1273164387
Android:http://u.stoneip.info/giniapp


 


本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。