短消息 【無題】 【無題】老細個朋友

【無題】老細個朋友

-

同朋友傾開計,大家作為半個打工仔,都會有一種感受,覺得某種客特別難頂,就係老細個朋友。

呢啲老細個朋友往往都有啲野同公司合作,合作項目話大唔大,話細唔細。無左呢啲合作又無咩所謂,但有又唔驅,只旦係多數呢啲合作都係吃力不討好,事倍功半。奈何老細一番苦心,你又無理由同老細講「不如唔好做,專注番個本業」。


其實老細個朋友多數都係老細,又唔會有咩奇怪要求,因為個老細本身都唔係好理日常運作,都係叫下面個個去做,但唔知點解下面個個又成日都唔係好做,或者唔係好明。可能老細個朋友個下屬其實都唔係好想做,所以渣流灘。


不過,對方渣流灘唔代表你可以渣流灘,因為人地唔駛交代你都要交代,而係呢啲時候唔知點解就要做埋人地個份,或者教番人地做野轉頭。如果佢係你下屬,其實你都應該鬧左佢好耐。或者佢係出面傾番來嘅合作伙伴都應該問候佢祖宗好耐,但佢始終係老細個朋友嘅下屬,開人波都可能要承受番啲惡果,一陣搞到老細無面一樣難受,結果都係唔知點解幫人教仔。

 


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。