短消息 世界盃 2018 - 哥迪奧拿 vs 摩連奴

世界盃 2018 – 哥迪奧拿 vs 摩連奴

-

哥迪奧拿 與 摩連奴作為當今球壇兩大著名教練,係今屆世界盃都好多佢地嘅影子。

有優勢嘅球隊,特別係係西班牙、德國呢啲國內大球會有被哥迪奧拿教過嘅球隊最明顯。進攻嘅時候雖然有優勢,但鐘意控球率,攻唔到會傳後再傳到最後一個後衞,然後再做 one two 猜上去,一路打陣地戰直至有完美嘅射門機會。


呢啲隊伍進攻嘅時候唔鐘意遠射,兩翼唔會有 Early Cross,唔會爆,唔會 Dribbling 過人,主要都係靠隊員幫手拉空或者 one two,然後地波傳番去禁區中間,或者半腰波入小禁區。有時候會做少少中間小組滲入,但因為對手多數都學到摩連奴泊大巴,所以中間多數搞唔掂。


最大嘅問題也都同哥迪奧拿嘅球隊一樣,兩個邊衞升得太高,壓住隊手來打,中堅企到去中圈。對手拿到個波一個大腳去前場,搶到第一點就可以 1 VS 1 快放射門。

相對弱嘅球隊,或者話主守嘅球隊,雖然未至於好似摩連奴咁一出場就泊大巴,但係防守基本上相似。打 442 嘅將其中一個防守中場移後當中堅,進攻中場移後一格變成三防中,前面留番一個前鋒。踢 352 或者 532 兩翼又要攻又要守,由頭跑到尾。

拿到波嘅進攻一係大腳上去直接鬥頭搥或者鬥快,一係搵中前場 Dribbling 再傳兩邊反擊。問題係多數守守下唔覺意縮得太後,失左波再追唔返。

 

雖然世界盃無哥迪奧拿,無摩連奴,但睇睇下發現最好睇嘅反而係一啲中游球隊,因為隊波唔會變左哥迪奧拿或者摩連奴隊波,有 Early Cross,有遠射,有 Dribbling,有 one two 無咁單調好睇啲。



此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。