記「WordPress 15th Anniversary Celebration」

石先生今日去左 WordPress 15 周年活動,難得可以同大家分享,真係一件好好嘅事。唔覺唔覺用左 WordPress 原來都已經十年,真係一件好跨張嘅事。

任何一樣野都一定會有好有壞,但用 WordPress 嘅總體經驗都係好嘅。除左因為軟件本身好用,也都因為好多好嘅人係旁邊幫手,先可以令一個唔識寫 CODE 嘅人都可以咁輕鬆用到 WordPress。

石先生今日分享嘅自訂題目係「Wordpress and Blogging」,內容無咩特別,就係講自己一路以來用 WordPress 嘅歷程,例如當初由 Blogger.com 轉去 WordPress,睇住其他 Blog Platform 執笠而 WordPress 則無問題。



到近年 Social Media 及各種新文章標準技術興起,Wordpress Plugin 都好幫到手,直接好快咁令一個普通人都可以追上科技嘅步伐。如果你未用過 WordPress 又想寫野,石先生建議你用 WordPress,因為佢真係一個好用又方便嘅平台,比自己起一個好好多。

最後,多謝 Ivan 嘅邀請,也好開心見到好多 WordPress 嘅朋友,下次再聚。


本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。