石先生最近咩信用卡都申請，所以就連 AEON 信用卡都唔放過。
對一般人來講，買 AEON 信用卡最大嘅吸引力就係拿住呢張卡係 AEON 買野有著數，最簡單係申請新卡後首 HK$5,000 享 2% 簽賬回贈。
不過，AEON 卡都分好多種，申請 AEON 卡又唔應該只係望住 AEON 呢間舖頭咁細，應該要望遠少少，望去日本。因為 AEON 有出 JCB 信用卡，而且係永久免年費，所以要申請 AEON 卡梗係揀 JCB。
主要景點都有折
點解要申請 JCB 呢？因為 JCB 係 2016-2017 年曾經做過一個優惠，只要係 JCB 持卡者就可以免費上日本 9 座高空觀景台（包括東京鐵塔），雖然依家優惠已經過左，但作為日本嘅信用卡，呢類優惠可一也可再，成日去日本都係申請張擺落銀包穩陣啲。
來到 2018 年，免費上東京鐵站已經無左，但依家用 JCB 買東京鐵塔門票都有 7 折、去環球影城買夠 6,666 日圓都有 500 日圓回贈、關西機場 KIX DUTY FREE 5% 優惠、關西鐵路周遊劵 9 折（大阪周遊卡優惠、京阪電車）、藥妝店都有免稅 8% 後再 5% 等等。
其實 JCB 優惠唔同期都有唔同，有啲抵有啲唔抵。如果你係日本達人，應該都好熟。如果你唔係好熟，唔係日日昅住嘅話，出發前昅住 JCB 官網就可以啦！
JCB 最新優惠情報：http://www.jcb.tw/campaign/index.html
機場巴士有優惠 免費 Wi-Fi
北海道 新千歲國際機場 / 東京 成田國際機場 / 名古屋 新特麗亞名古屋 / 中部 國際機場 / 大阪 關西國際機場 / 福岡 福岡機場，買機場巴士都有優惠！詳情：
http://www.jcb.tw/campaign/airport_limousine.html
除左門票有折，依家去登記仲有「Wi2 300」免費 Wi-Fi 一星期。簡單來講，JCB 日本優惠好多，香港優惠都有唔少，雖然唔係勁勁勁吸引，但唔駛年費，申請張無咩所謂！
