旅行紀事 【解答】越南入境要簽證?3 大疑問講清楚(2017年版)

【解答】越南入境要簽證?3 大疑問講清楚(2017年版)

-

作為香港人,不管你手持的是英國的 BNO 還是中國香港特區護照,前往越南均需要「簽證」,而當中最簡單的方法就是你參加旅行團,然後請旅行社代辦。不過若你找到這篇文章,應該是自由行的朋友,那麼你便需要簡單的看一下囉!

1. BNO 都唔駛簽證


無錯 BNO 係免簽,不過要預先去越南領事館蓋印,幾時有得拿?Sorry,領事館無人答,去到博下囉~


落地免簽得唔得?有人話試過得,但有人話問過唔得,邊個得?越南領事館都無明文寫出來,你唔係敢博呀~入唔到咁點算?

 

2. 落地簽平啲囉,又即刻拿得!

無錯!越南係可以落地簽證,但東南亞地方唔係台灣,無人敢答你 100% 得,也都真係有唔少人唔掂,所以唔好因為落地簽證收費平啲,介乎 US$25-$45(HK$200-HK$350)而博一博!唔差個幾百。

即刻?如果你想做落地,睇呢篇「集郵空姐」嘅實地試驗文:想看點我。根據她的說法可以預先在 http://cheapvietnamvisa.net/ 登記,拿到 Approval Letter,去到再搵 Visa Counter 俾錢就得。


至於呢輪 U 寫出來話旅人褔音個個上網簽證方法,其實同上述嘅一樣,只係個網站叫:https://www.vietnamimmigration.org/ 聽落有保障啲,但實際上佢最底都有寫明「 Please note that we are not official website of Vietnam embassy or government website…」,所以去到落地簽唔到都係有可能,其實都係博一博。


017-016-DSC00917

3. 即係點呀?親身去領事館啦

其實陸路入又得唔得呢?新聞都有講,網上都大把例子,如果你由中國陸路入的方法,準備定幾蚊美金攝入護照啦!

想安安全全快捷咁去就自已拿護照去領事館搞簽證,有一個月(單次)、一個月(多次)與三個月(多次),價錢及全部資料係下面,自已睇啦!


 

申領越南簽證的地方:越南駐港澳總領事館
地址:香港灣仔道230號佳誠大廈15樓
開放時間:星期一(0930-1300, 1430-1730)星期二至五(0900-1300, 1430-1730)星期六日及公眾假期休息


簽證有效期:由取得簽證日期起計算,以申請入境日期計算起有效 30 天或 90 天不等。
簽證類型:一個月(單次)、一個月(多次)與三個月(多次)
工作天:即日與四個工作天

價錢:由 HKD$640 – HKD$1,350 不等,只收現金並異常浮動,請多帶備現金。
所需物件:護照(將被保留)、照片兩張(建議:多帶幾張)、文具(現場無筆提供)及進入越南日期。
電話:2591 4517
越南旅遊局網址:www.vietnamtourism.com

總結:申領越南簽證並不複雜,只要帶齊文件,多準備現金即可。安全起見,多預留幾天時間會比較安全。



此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。