HK$20 唔算多,但送錢俾你攞左先,匯豐又出新服務叫 – HSBC PayMe


作為香港最大嘅銀行,HSBC 今日都終於出左一件叫做有少少 FinTech 元素嘅產品 – PayMe。正確來講,PayMe 仲未出世,佢只喺係話即將要推出,依家做緊一個前期宣傳,叫大家去登記,到時正式推出通知你。

PayMe 玩法係點呢?根據依家嘅講法,好簡單。任何人只要有 VISA / MasterCard 就可以登記,登記後擁有一個 PayMe 戶口,到時你只要 Send 一條 Link 俾朋友就可以叫佢過錢去你呢個 PayMe 戶口,然後你可以通過 PayMe 入番錢去你平時嘅銀行戶口(係咪得匯豐戶口先得就未知了,官方未講)。

呢個玩法聽落好新穎,但其實你去美國望下 Venmo,或者 PayPal 旗下嘅 PayPal.Me 都係用呢種連結嘅方法,或者北望神州有支付寶、微訊支付用 QR Code 來做相同嘅功能。匯豐今次呢個 PayMe 功能都可以算係好慢好慢,落後外國好多年了。(非洲好多年前已經用緊類似嘅方式去做 SMS 俾錢)


PayMe_PromoPage_10_kv_tc

PayMe 慢就係慢左啲,但喺係呢個自稱國際級嘅金融城市,我地當然只能夠謝主龍恩,多謝呢種咁革命性嘅產品係香港推出啦!

大家如果想登記嘅話,按呢個「登記」就得,入到去填你嘅 Email,登記後收到 Email 確認,到時服務正式推出時,下載使用就即時送你 HK$20。如果你成功登記後再介紹朋友最多可以有 HK$100。唔算多,但都好過無啦!要登記就要快啦~

登記」:https://payme.hsbc.com.hk/


Screen Shot 2017-01-12 at 23.24.35

好啦!點解 HK$20 送俾個客戶都係少呢!其實好簡單,因為今次匯豐推薦計劃呢 HK$20 根本無咩吸引力。大佬,食個老麥都要 HK$30 啦!HK$20 今時今日係香港有幾大吸引力啦!想要推得多人用都要落啲本掛,話哂都係香港最有錢嘅企業之一,俾多少少去到 HK$100 同 TnG 睇齊,加上你個牌頭同使用網絡強,成功率都高啲啦!

唔係喎,匯豐咁多客,一人送 HK$100 好貴姐!真係,你真係咁認為?我地一齊同匯豐計下數~ 匯豐早輪將 300 名員工送左去共享辦公室工作,每人每張枱 HK$6,990,一個月夾埋就要:HK$2,097,000。

如果 PayMe 每一個人登記都送 HK$100,以 TnG 擁有嘅 30 萬活躍會員計算,成本係三千萬,呢筆數都只係夠 300 個員工去共享辦公室工作 14.3 個月,兩年都唔夠,用錢去買一個咁大嘅成長率算抵。更何況以匯豐呢種巨無霸,今次唔得等下個產品分分鐘要兩年以上先轉到身,就算多一倍人去到六千萬都抵俾啦!更何況你可以 Set Limit 控制個送錢登記人數上限嫁麻。







【此文章刊載於石先生部落;標題:HK$20 唔算多,但送錢俾你攞左先,匯豐又出新服務叫 – HSBC PayMe;本篇文章為贊助內容;強制廣告:HisTrend.HK 給你不一樣的科技產品】