Monthly Archives: November 2016

『黃金數碼廣場』裝修完畢,最終回歸火鍋店

如果你有留意『黃金數碼廣場』,應該記得石先生早前曾經說過此地圍封起來裝修改建。當時曾經有傳此地將改成戲院,還好這個傳聞並沒有成真。 話說,石先生今天把精靈球拿給世界冠軍的時候剛好經過『黃金數碼廣場』,發現早前裝修的二樓位置已經完成,並變回劏場前身的火鍋店。 由於這家潮褔蒸氣火鍋還沒有正式營業,暫時還不太清楚其價錢定位,唯從其宣傳廣告版可見其主打火鍋,並正進行最後小修小補工作,看來今天晚上就會營業。 雖然火鍋店營業在即,但『黃金數碼廣場』電梯旁唯一一家商舖的位置仍在,但今天沒有營業,那未來會繼續營業還是結束,而整個『黃金數碼廣場』會改名,還是做一家沒有數碼產品,只有火鍋店與超級市場的偽數碼廣場呢?

澄清:頭條日報報導錯誤,本人11月23日並不在東京,保留追究權利

頭條日報於 2016年11月25日 一篇有關「達人遊日本超冇品 居酒屋店主嬲爆出post」的報導,錯誤利用一張舊合照,指責本人乃當事人之一。本人現正式澄清與此事無關,並保留法律追究權利。

Google Adventure in Japan 2016 – Day 1

石先生這次來到日本的原因與過去有點不同,不是旅遊,不是旅行參訪,也不是觀看展會或新聞發佈會,而是參加一次由 Google 舉辦的探驗活動。 這樣的一個活動實在很有趣,因為石先生常看 Amazing Race 或 Running Man,卻從來沒有機會玩到這樣的活動。即使小時候玩的室內定向也不過是在一個有限的範圍內,與這種在城市裡跑來跑去的完全不一樣。 Google Adventure in Japan 目的很簡單,就是要來自 14 個國家或城市,分成 12 隊的參加者在各種 Google 產品協助下完成各種任務。作為活動的第一天,行程其實也不算太難,下面就跟大家簡單分享一下今天的情況。

這家代表城市門面的公司,竟然連一張桌子的高度都管不好

因管理不善而排名下跌的香港國際機場又有新猶。 每一系列嘅桌椅都有一個合乎人體工學嘅高度比例,但唔會食 Food Court 嘅#機管局 高層似乎唔太清楚,一排高椅配搭矮枱… 行到埋去都覺得怪怪地,坐到直頭係『伏』。

【飛機餐挑戰】港龍航空 的「不運」曲奇(香港桂林小食)

因航「抄油失敗」愈來愈「縮皮」全香港人似乎都知,而到底點縮皮先會令自己感覺到仲係一間尊貴嘅航空公司呢?好簡單,就係從包裝著手,利用包裝來蒙蔽自己雙眼。 如果你有飛過歐洲內陸機,你應該都會感受到歐洲內陸機個種「慳皮」嘅小食,例如一包花生再搭薯片並俾支水你咁。有時候,航空公司未必會人人都派食物,會由空姐空少拿住一盤小食,每一位乘客去問,睇下邊位有需要就拿,慳皮得來又適合乘客本身需要。 唔知因航係咪擔憂華人天生怕執輸,有得拿實拿到蠱嘅關係,佢地「縮皮」得來又無採用呢種自由選擇方式,同時又為左保留少少自家特色,所以採用以下呢種短途機小食做法。 由香港飛桂林這種是一小時左右的機程,與香港飛台北差不多,但因為飛大陸可以預期係相近距離嘅情況下小食又會差少少。 空姐拿上來的是一包紙袋,而這個紙袋裡裝的不是「永恒雞捲」,而是「不運曲奇」、一條牛奶朱古力及一支 Bonaqua 精裝水(精裝即係打完波一口氣飲得哂都唔夠喉個隻)。 嗱嗱嗱!點解呢塊曲奇會否「不運」呢?下面同大家詳細分享下。首先呢塊曲奇本身係朱古力曲奇,食落去唔算淡而無味,有少少朱古力味,但又好難稱得上好食。如果你上機前無飲夠水,自己又無買水上機,食完呢塊曲奇,應該好快都想飲水嫁啦! 食完曲奇唔夠喉,食埋牛奶朱古力好合理,但問題來啦!牛奶朱古力呢樣野,食落口係幾好味,但食完口腔會有一種油淋淋嘅感覺,唔頂得順嘅又想飲水啦! 因航都好貼心俾水你飲,但支精裝水咁大支,你本身口乾收到飲一啖,食完曲奇飲多兩啖,再食牛奶朱古力後飲多啖,成支水就咁無哂! 如果你第一次食,唔識留前鬥後,或者大大力飲水,咁就真係恭喜你啦!因為係呢個時候除左搵空姐拿多支水,你都無咩方法解決,除非接吻嘅口水可以幫到你。

【石.化.遊】成田機場鐵路簡述

去日本東京旅行,很多航班都是以成田機場為降落地,從成田機場到東京市區約一小時左右,不算遠卻因為日本交通發展歷史關係,其機場到市區的選擇極多,除了常見的機場巴士與的士,也有四條由不同公司營運的機場鐵路,可算是全球少見的情況。 四擇其一本來就不容易,唯各家鐵路公司又有各種東京市內交通的優惠套票,選擇上比超級市場上的午餐內還多,也就讓不少初次到訪東京的朋友感到焦慮,無從入手。這次石先生就跟大簡易分享四條鐵路的差異,希望大家有個概念。

【StartUp經】「街坊泥鯭」大難題 免費如何搵錢?

「共享?順風車?仲要做 App?係香港點會 WORK 嫁?點賺錢呀!現實啲啦!」第一次聽到「街坊泥鯭」, 很多人都會有這個想法,但創辦人呂忠義(Albert) 卻深信這就是未來。 共乘配對 App「街坊泥鯭」並不是 Albert 第一次創業,他早於 2004 年畢業後就成立了自已的公司。「我04年理工大學畢業,那時『 沙士』剛過,市道非常差,因為沒有更好的選擇, 所以那年就開始了創業,一做就做了12年」

【石.化.遊】阿拉斯加

阿拉斯加,一個很不一樣的美國州分,其緯度要比美國其餘五十州要高,天氣要比美國各地更冷,人口也不算多,但其經濟活動與價值卻獨一無二,無可取代。 阿拉斯加本屬俄羅斯的一部份,但由於俄羅斯認為其易攻難受及價值不高,遂於 19 世紀通過多次談判後以 700 萬美元 + 20 萬手續費的低價售予美國。當時,俄羅斯認為此乃有利交易,以好的方式丟掉了一個負資產之地,而美國雖然看不到即時利益,卻也因低價而成事。

【挑戰自已】可能係世界上最難用的售票機 – BART

San Francisco 的地鐵 BART 是我旅行至今,唯一一次站在售票機前呆了五分鐘而無法成功購票的經驗。我不敢說它是世上最難買的地鐵票,但我看到的是所有同時要搭車的人都站在機器前「定 格」了,直到一位職員過來幫忙買了第一張票。有多難?試著看指示,想像自己懂吧! 看不懂嗎?別擔心,跳轉還有一張告示,可以告訴大家如何購票,只是你看過詳細介說後相信也不會明白到底如何購票,因為它實在太多資訊了,所以石先生就特別寫這篇文章告大家如何購票吧!

【石.化.遊】 你今日出左 Pokemon 未呀?

「呢輪點呀!有無玩 Pokemon 先!」 「有呀!呢輪好忙,成日要補給,捉到唔夠波捉,無波真係好痛苦。」 「哈哈!我屋企樓下剛好有個補給站,晚晚返去補給。」 「咁正~ 我得公司樓下個公園先有,食 Lunch 或者放工先同啲同事落去補給同捉炸。」 「咁咪幾好,齊齊捉有啲話題,好過食煙吹水啦」 「咁又係,我地公司有批人都一齊玩,呢幾晚放工都係齊齊過維園捉番個幾鐘之後去食飯,老細索性叫個隊人負責個 Project,貪佢地成日見,捉怪都會傾下公司野喎。」 「咁你老細醒啦!阿邊個個腦細就傻啦!出通告話邊個係辦公室玩 Pokemon Go 就 Warning Letter,但至弊佢公司就係被三個 Poke Stop 圍住,狂彈野出來,搞到個個想玩又敢怒不敢言,成日煲煙去廁所偷偷捉。上次去搵佢,公司居水馬龍,個個走黎走去,仲忙過有野做咁。」 「咁搞笑!佢腦細係茶水間楝番個牌寫明 Pokemon 補給站咪仲好,無人敢捉足成日,依家弄巧反拙。」