Pokemon Go 都係紓緩下姐~

有人話:『成班人好似痴線咁,走來走去,都唔知為咩』

無錯!遊戲始終係遊戲,終有一日玩完,捉來嘅小精靈終有一日會消失。不過,生在城市好多野本身都唔知為咩的,多一件又差幾多呢?

平時返工放工唔係辦公室就係四面牆,香港生活來來去去睇戲食飯行街買野,難得有隻遊戲全街齊齊玩,多左一個免費娛樂,何落而不為呢? (就算課金都平過去食自助餐)

在外人眼中,成批人係街聚集望住電話篤來篤去好似傻佬咁,大叫就成班人衝埋去捉隻小精靈又有啲似 Zombie,但其實成班人一齊玩,互相交換情報,分享心得真係好興奮,呢種社會化既過程過去幾十年你試過幾多次?

快樂有時真係好簡單,玩 Pokemon Go 嘅時候唔駛諗其他野,一心一意捉小精靈、變糖升 Level,工作與生活上嘅煩惱一掃而空。

行行下街撞到朋友傾下捉到咩,開開心心好似做番小學雞咁,返老還童回到過去,總好過次次見面就傾有無人工加,幾時儲夠錢買樓呢啲沉重話題。





【此文章刊載於石先生部落;標題:Pokemon Go 都係紓緩下姐~;本篇文章為贊助內容;強制廣告:HisTrend.HK 給你不一樣的科技產品】