事實係… 寫正面文長遠係多人睇過負面文

無端端同朋友傾開寫文,石先生也都講下,其實寫文嘅野,總計多人睇嘅文大多其實唔係負面文章,而係正面文章,同大家想像完全相反。

根據某些數據統計分析,其實正面嘅文章長遠係多人睇過負面文章,但大家好多時候網絡效應令負面文章傳播速度快,所以大家會有一種錯覺負面文章較受歡迎嘅感覺,但事實上計埋時間性嘅話正面文章係更受歡迎,更多人睇。

點解?石先生都好想有更多數據佐證同大家分享,不過事實係拿唔到出來。如果從石先生嘅角度睇,正面文章講嘅好多時候都係冷知識類、攻略類,好多人都想知,中正人類求知嘅慾望。

orbi 子母路由器,屋企上網無死角。
詳情請點擊:http://netgear.anlander.com

相反負面文章其實好單一,雖然爆發力強,但隨著網絡題材眾多,受關注嘅時間愈來愈短,當過左爆發期,後續嘅關注就會好單薄,無左長尾效應,長遠閱讀數反而不夠正面文章。

 

更何況,「香港人除左鐘意睇人仆街」外其實係唔會開名一齊去鬧埋一份,以免出事站出邊。當各相關利益者回應或反駁時,要得到支援其實並不容易,始終兩者嘅資源往往有很大差異。加上有時候旁人會有「人地都係打份工」「佢實有佢苦衷」「你鬧錯人啦」嘅情況,所以寫負面文章背後嘅壓力比正面文章更大。

如果可以,石先生都想寫親嘅都係正面文章,但可惜有時候要視而不見,有時候真係做唔到,唯有係講嘅時候做好啲準備。





【此文章刊載於石先生部落;標題:事實係… 寫正面文長遠係多人睇過負面文;本篇文章為贊助內容;強制廣告:HisTrend.HK 給你不一樣的科技產品】