thecoopidea SLIM 4000 MFI – 利己利人好充電,Android 又得 iPhone 也得!


「哎呀!我手機無電呀!邊個有尿袋啊?」

「尿袋?我有呀!」

「不過你有無線呀,我得尿袋炸喎!」


「我有線喎!你咩機呀!我 Samsung,你啱用啦一定,間間廠都 micro-USB」

「Um… 我唔係呀!我用 iPhone,要用專用線」

「咁無計喎,我無,你地有無呀!」


「iPhone 咁貴,那有錢」

「無喎!你唔買多條線,傍身麻」

「iPhone 線一條咁貴,那有錢」


「咁無計啦,你摩擦生電啦~」

thecoopidea_slim_40002

用 iPhone 嘅朋友唔多唔少都會有咁嘅經驗,手機無電想充電,但身邊朋友一係有線無尿袋,一係有尿袋無線,梗係有樣唔係身邊搞到差唔多。

而且係呢啲時候即使平時自已有帶開後備線,但總係啱啱漏左係公司無帶出街,啞子吃黃蓮。


今次同大家介紹呢舊 thecoopidea 電池就剛好解決呢個問題,佢嘅設計唔似得啲自私電池,唔止利已仲利人,不論你自已用 Android 定 iPhone,你都啱用!話唔定因此結良緣(呢個好似跨左啲)

thecoopidea_slim_40003

呢粒叫 SLIM 4000 嘅電其中一個賣點係佢除左電池外,仲有埋一條充電線。

睇上面個插頭你就知佢強係邊,佢除左本身配備嘅 micro-USB 插頭外,仲有一個附加嘅 iPhone 插頭,平時想充 Android 又得,有需要時想充 iPhone 也得。如果你手上又有 iPhone,又有 Android 或者公司配俾你嘅 BlackBerry Priv,兩部都可以充哂完全唔需要擔心。

thecoopidea_slim_40004

你可能話!唓!呢啲線就街都有啦!

無錯!呢啲咁嘅線出左幾年,真係好耐之前就有,變 iPhone 插頭真係一啲都唔新,而且一返大陸仲有啲係 micro-USB 可以加插變身做 Full USB,也有變身做最新 USB-C。

不過,有用開 iPhone 線嘅朋友都知道,大陸做或者街邊賣嘅 iPhone 好多都話自己充電到,但往往用幾次就唔得,或者時得時唔得。出現呢個情況其實係因為 Apple 又係啲插頭到加左個配件,佢會檢查係咪經認證過嘅配件,如果唔係就唔俾用,所以街邊賣個無經過認證可能時得時唔得。

今次呢個 thecoopidea SLIM 4000 因為係行貨,所以佢拿埋 Apple 認證嘅 MFI,即係買番返去保證唔得,而且有咩事拿住呢個 LOGO 去同代理嘈交要佢換都得,所以真係 HK$30 買條唔知得唔得嘅線,不如花多少少錢買條正版線。

當然,一條正版線 2 米要 HK$229,那有錢,所以今次介紹呢款 thecoopidea 連埋 4000mAh 電池都只係 HK$299,買線不如買埋舊電。

thecoopidea_slim_40005

SLIM 4000 嘅體積唔大舊,大概係 5 吋手機嘅大細(上圖)

封面有寫 MFI,仲有寫明 iPhone、iPad 及 iPod 都用得(下圖)

thecoopidea_slim_40006






【此文章刊載於石先生部落;標題:thecoopidea SLIM 4000 MFI – 利己利人好充電,Android 又得 iPhone 也得!;本篇文章為贊助內容;強制廣告:HisTrend.HK 給你不一樣的科技產品】