唔經唔覺又六點,夜晚十一點幾返到屋企覆 Email,再做少少野,已經係點幾鐘,明明想訓,但根本無得訓。除左應承左人星期二朝早返工時間前交功課外,最重要係今個星期日又出發,同屋企人去日本東京,點都要計劃好交俾大家過目。

如果自已一個人去東京,又點駛做功課呢!只要訂定酒店及住宿,其他野去到先算!即使成日就咁沿住地鐵線慢慢行一樣係咁爽,想食咩、睇咩、買咩隨心多好。

當然,一家人去旅行又係另一回事。大家想睇嘅野同認知唔同,早啲準備大家到時去到都安樂啲。所以作為導遊石先生咩都要計劃定先,由行程、景點、票價等等起碼都要有個時間表。始終成團人到時就靠你一個,你如果唔係熟到好似日本當地人一樣,團友跟住你真係會擔心。


好彩以前 Engadget 中文版出差,除左日本唔係我計劃之外,不論美國、德國、西班牙、奧地利等地方,石先生連同事嘅機票、酒店及行程都係我安排哂,經驗夠哂豐富,今次都無騰雞。

 

其實同一家人旅行,最重要都係三樣野:

1. 食 – 想定每餐大概食咩,有無咩安全選擇真係好重要。雖然東京求其搵間都好食,但如果一時三刻想食飯,真係要知道吉野家係邊,起碼打個底。


2. 時間鬆 – 去旅行時間好難就,石先生行得快時,人地可能行得慢,所以最緊要都係預多啲時間,最好一日一個點,咁就輕輕鬆鬆啦!有時間多返去酒店附近行下,坐下,好過緊密到跑步咁。

3. 早起 – 早起真係好大獲。依家都未訓,試問點叫石先生早起呢?點算?無得算嫁,早啲訓囉,如果得嘅話。




【此文章刊載於石先生部落;標題:一家人去日本旅行;本篇文章為贊助內容;強制廣告:HisTrend.HK 給你不一樣的科技產品】