【香港.灣仔】「利強記北角雞蛋仔」 – 厚脆仍舊,熱度與混醬退減

Browse By

ADS

 

「利強記北角雞蛋仔」雖然主食係賣「雞蛋仔」,但石先生由當年做 Promoter 到今日,每次經過都會食「格仔餅」。原因?因為石先生由細到大都唔係好鐘意食雞蛋仔。雞蛋仔係過癮,一粒粒撇來食好得意,但有時候又覺得佢無咩味,唔似「格仔餅」有砂糖、鍊奶、花生醬咁有快感,所以石先生愛「格仔餅」外,更愛雞蛋仔。


 

1-DSC00084

3-DSC00089

太耐無行過灣仔,一直都無機會去食「利強記北角雞蛋仔」,今日去先知原來隔離舖位連開兩檔同類型小食,其中一間仲係「龍津」,大家係度打緊價格戰,一底格仔餅賣 HK$8,兩底 HK$15,都算係近年香港最低,迫到本來 HK$15 一底的「利強記北角雞蛋仔」都要減價 HK$13 一底,以免被人追撃,實在難得。

「利強記北角雞蛋仔」一向都唔錯,日日大排長龍,而今日去食竟然無,應該都係隔離分薄左嘅關係,而呢個競爭或者也都係「利強記北角雞蛋仔」格仔餅跌左 WATT 的原因。

一路以來,要食「利強記北角雞蛋仔」最重要係耐性。因為格仔餅得兩個模具,每次整又要時間,叫完「格餅」仲要等多 10 分鐘或以上。即使你好彩有幸係「即叫即整」你個底,都要等番幾分鐘,分分鐘耐過去入隔離舖買個 M 記漢堡包。

2-DSC00086

「利強記北角雞蛋仔」格仔餅點樣跌 WATT 呢?

其實好簡單,今日去到即叫即時有得食已經令石先生好驚訝,而格仔餅雖然唔係係個櫃到拿俾我,係係模具上準備好,但入袋時無再用熱風機吹一吹,而且一過手無一種「辣手」感覺,明顯已經無以前咁熱辣辣。

食落去格仔餅條邊一樣好脆,仍然厚底,夠硬夠挺,但醬料沒有以前的多,沒有跌左少少落底都仲有好多係格仔餅入面的情況,失去左一種啖啖砂糖、鍊奶、花生醬的口感,真係比係以前跌左唔少。

值唔值得食?「利強記北角雞蛋仔」格仔餅仍然值得食,始終單係脆及挺已經唔係間間小食店做到,但要回復過去的格仔餅感覺,或者要等價格戰完左,客量回升先至有機會。

 

利強記北角雞蛋仔
地址: 灣仔柯布連道2號地下






【此文章刊載於石先生部落;標題:【香港.灣仔】「利強記北角雞蛋仔」 – 厚脆仍舊,熱度與混醬退減;本篇文章為贊助內容;強制廣告:HisTrend.HK 給你不一樣的科技產品】