以後去到銅鑼灣又多個新蒲點,事關廉價美國時裝品牌 Forever 21 正式進駐,旗艦店今日開業。一共六層的樓面較中環的 H&M 更大,總面積超過 51,000平方尺的,首210名顧客將獲贈價值$100的購物禮品咭,以供搶購熱選貨品。現階段為 Forever 21 的試業期,只開放地下至二樓,共三層,專賣女裝及童裝,其他品牌如 Heritage 1981、Love 21 及 Tween,與及男裝部(石先生:男裝部呢!正!)將於春季開幕後陸續登場。

話明係廉價品牌,到底有幾平?經黑橙巡視後,將他評為與「H&M」、「Cotton On」同級,例如:頸鏈、手鐲等飾物約$50,Tee$100有找,手袋、鞋等也只是百多元,較貴的外套都係幾百,真係激平!雖然係咁,款式一點都唔 OUT,不得不留意,他們的最新傑作 Retro Revival系列,強烈的復古風重現 1960 年代沙灘派對的條子及圓點花樣的潮流。

最令黑橙震奮的,是 Forever 21 竟然營業至凌晨一點?這不但在年廿九、年初一等特別日子,而是天天如是,即係話逛街逛至深宵都仲得,對返夜班或勁 OT 的人,可是天大的喜訊。


仲未知 Forever 21 係邊?就係舊 GIORDANO 位置,明白了嗎?Forever 21 由韓國人張道元 (Do Wo Chang) 於 1984 年在洛杉磯創立,主打年輕活力、玩味及時尚風格,而且緊貼潮流走勢,以大眾化價錢吸引年輕顧客。全球已設超過 490 間分店,包括加拿大、韓國及日本等。

Forever 21 香港旗艦店
地址: 銅鑼灣渣甸坊15-19號京華中心
營業時間: 每日早上十時至零晨一時
網址:www.forever21.cn
Facebook :www.facebook.com/Forever21HK




【此文章刊載於石先生部落;標題:Forever 21 開幕囉!跑跑看看;本篇文章為贊助內容;強制廣告:HisTrend.HK 給你不一樣的科技產品】