剛剛看了一個女性友人的blog,內有這個男友一百戒條。雖然有部份係個人喜好,但係都幾有參考價值。可以知道女仔平時係點踗野的。


1. 你可以同任何16歲以上無血緣關係既女性單獨外出或者傾超過5分鐘電話,不過後果自負。
2. 我‘meet’你既時候你唔准縮。
3. 我會check你既來電顯示,你都可以,睇下到時邊個心虛d。
4. 陳方安生都係人,佢唔會24小時笑面迎人。
5. 唔好俾我見到你著白襪 (特殊情況除外)。
6. 我明白每個人都有過去,你會有舊情人既相呀信呀禮物呀,但係唔好o係我面前飄揚,有咩爛左唔好怪我。
7. 我鍾意收情信,但係好憎見到錯別字。
8. 每日起碼要打三次電話俾我,因為我會掛心。
9. 要俾我知你每日去左邊,我唔係要check你行蹤,因為我想知道你有冇時間o黎接機,幫我拖行李。
10. 我地未必可以一生一世,但希望你同我一齊既時候,每一刻都對我認真。
11. 我鍾意既手袋牌子係 juicy couture、channel ,anya hindmarch同coach,你千祈唔好買patrick cox同westwood俾我。
12. 你心裡面諗d咩,一定要同我講,因為我after school之後唔想用腦。
13. 我去dating同clubbing你叫我玩得開心d既話,我會信以為真,跳到天光飲埋早茶先走。
14. 我鍾意男朋友買禮物俾我。
15. 我希望你會記得一切既大時大節生日同紀念日。你唔記得我會提你,如果你咁都唔在意,我會黑面。
16. 男子以才為貌,但係都要乾乾淨淨。
17. 我唔覺得$3000一對mm貴。
18. 我無慣性去買鞋。如果你打算買鞋俾我,鞋碼係 us 7,記得唔好買錯size。
19. 我喜歡在causeway,central *sugar. 所以,你唔好去錯地方。
20. 唔准一腳踏兩船(或以上)。
21. 我知你係clubbing人、我驚你會係player,所以可唔可以成日俾d安全感我
22. 出街一定要拖實我,因為我會蕩失路。
23. 我唔揀飲擇食,所以食咩你話事,不過,揀甜品既主導權歸我。
24. 如果我遲到,都只係因為我住得太遠同想著靚d見你,所以你唔好鬧我。
25. 你最好唔好有一堆女性朋友同契妹之類既不明物體o係身邊,否則我會大你三十萬用行動證明俾你睇我都有一籮男性 朋友同契哥加uncle。
26. 我係一個會講粗口既淑女,你最好忍耐一下。但你唔可以搵粗口鬧我,我會一千倍還返比你。
27. 我用既香水叫 dior addict。
28. 我唔會要你幫我去麥當勞換公仔,但係會叫你幫我去sogo、joyce同lane crawford買化妝品。
29. 你唔好走去旺中買o個d所謂既純銀/白金俾我,我會皮膚敏感。你有3個選擇:1.cartier 2. georg jensen 3. tiffany
30. juicy 同 pink,我永遠都唔會嫌多。
31. 我會想你同我一齊揀lingerie,你唔需要驚訝。
32. 我會always問你我靚唔靚,你最好讚我。
33. 我鍾意食cova既mangocake、1sushi既eggsushi,仲有grand hyatt既dessert buffet。
34. 我知道你冇可能每秒鐘都掛住我,但係如果你全日都冇諗起我,我會好驚。
35. 如果你著到成個mk咁樣同我出街,我會面青。
36. 我最驚人郁手打我,如果你係咁、我一定會走,唔好期望我會睬返你。
37. 你要留意meg cabot’s/gossip girl既新書幾時出,儘快買俾我。
38. 記得要多d同我既父母social,因為我同佢地關係唔好,靠你去修補。
39. shopping時可以分道揚鑣,你唔好又要企我隔離又要黑面,但最好記得行去cashier幫我找數。
40. 我好樂意同你行你鍾意既舖頭,你唔需要怕我悶,我會自得其樂。
41. 我既日常飲品係strawverry vitamin water、鮮奶、bailey’s coke同margarita。
42. 唔好批評我既朋友,因為我同佢地共過患難,唔係酒肉朋友。
43. 我承認我係一個膚淺既人,我既日常讀物係《peoples》,你唔高興既我會隊本《紅樓夢》俾你睇。
44. 我唔介意你望靚女,介意既係有筍野睇你都唔同我講,同無間斷咁睇,完全當我死。
45. 如果你見到我望住本《飲食男女》兩眼發光,你可以留意下係邊間餐廳,唔太貴既就帶我去試下。
46. 我鍾意食sushi,但係如果大時大節紀念日生日時都係食sushi,我會發火。
47. 我喊既時候,你一定要‘乙水’我,因為我只會o係好傷心好傷心既時候先喊。
48. 你打機既時候,我會自己搵野做,唔好叫我坐o係度睇住你打機。時間唔係用o黎咁樣浪費。
49. 你最好有一首只係屬於我既電話鈴聲。
50. 如果你冇開口講,我都為你去改變,代表我真心鍾意你,請你珍惜我。
51. 我好樂意幫你做massage,但係請你唔好當「奉旨」。btw,之後麻煩你同我做30分鐘massage,因為論工作性質,我先係勞動階級。
52. 買野俾錢既時候,你記得要快我一步拎張credit card出o黎,因為只係一份表面風光。
53. 我會間唔時嗌「我好想嫁我好想嫁……」如果你唔打算settle down,記得話我知,我會放生你。
54. 你需要比我更清楚我既電話、dc同電腦既操作。
55. 當你睇波既時候,我會問你「咩係12碼」等低b問題,你唔好嫌我煩,因為我真係有興趣,但從來冇人教過我。
56. 我會希望你將我介紹俾你既朋友識。
57. 放假時我會間唔中留o係屋企休息,你即管出去玩,唔好以為我係貼身膏藥你唔同我出街我就唔出。
58. 我知好多人都同你講我玩玩下,但其實對你既感情最最認真。
59. 我知你要努力追求理想,不過一定要抽時間陪我。
60. 你唔需要係有錢仔,但係要有上進心,想出人頭地。
61. 你一定要有自己既理想。
62. 我會always問你「我今日有咩唔同」,你需要每次見我都將我由頭到腳scan一次。所姒你最好做定兩手準備
63. 我真係想去finland睇 santa claus.。
64. 我有寫blog既習慣,如果你發現o個篇係講你既,你最好俾d反應我。
65. 我知道我好任性,我改緊架啦,唔好催我。
66. 你要做我既人肉地圖。
67. 我m之前一個星期會情緒暴躁,你要小心d。
68. 我發脾氣cut你線,你好即時打電話俾我,我其實係想你打十億次黎tum返我。
69. 可以check我既msn同sms,cos就算你check,都唔會搵到任何蛛絲馬跡。
70. 你每識多一個女性朋友,我就會去識多一個男性朋友、男性hot blonde同男性football varsity。
71. 你煮飯俾我食,就算只係一碗餐蛋麵,我都會開心過食四季buffet。
72. 我同你講野既時候自不然會嗲聲嗲氣,我都冇辦法架。
73. 我好有興趣知你既戀愛史,最好由頭到尾同我講一次 ,不過聽完我有權嬲下你。
74. 我on diet因為維持身型苗條係需要,唔好怪我揀飲擇食。
75. 如果有一日,我地分左手,我都希望可以繼續做朋友。
76. 作為一個讀書既十八女,生活頹廢係好正常既。
77. 我最憎人唔信我。不過我會成日擔心你呃我。
78. 如果你愛我,你唔會捨得要我傷心。
79. 我鍾意既運動係shopping同clubbing。
80. 一個男人對女人最大既尊重係向佢求婚,其次係帶佢返去同父母食飯。
81. 男朋友既功用係對女朋友好,女朋友既功用係對男朋友好。
82. 我用慣bobbi brown既eyeliner cream同loccitane body lotion,麻煩你每兩個月去幫我買一次。
83. 好多事係因為我真係唔識同唔o係香港所以搵你做,而唔係我懶。
84. 我希望你間唔中都會俾比d小驚喜我,係「小驚喜」,唔係「大驚喜」。
85. 我最最鐘意juicy、咩都要想係pink 、有時會迫你都要紛紅.不過你就就下我啦
86. 唔好熄電話,萬一半夜我要去睇醫生我會想你陪我。
87. 我最鍾意既花係rose,最鍾意既顏色係pink。
88. 我覺得買花好貴,不過間唔中收下又會幾開心。
89. 每次出街請你俾30分鐘我去行juicy。
90. 如果你見我個樣冇乜表情,唔係我唔緊張你,而係真係好疲累。
91. 如果有人追我,我會同你講,因為唔知點解,想知你會唔會jealous 。
92. 好遺憾我冇機會細細個就識得你,所以宜家請你俾多d時間我,俾機會我去了解你。
93. 我想你知我有時好extreme.我都唔想...
94. 你唔開心既時候我會靜靜行開俾時間空間你冷靜,但過後我會想你打返個電話俾我,因為我關心你。
95. 著得sexy係有兩個原因:1. 我覺得靚 2. 唔係個個女人都有本錢著得sexy,而唔係你所想既著比人睇。
96. 我知你對我用咩化妝品冇興趣,不過問下咩顏色好都得掛。
97. 你要記得間中同我講「i love you」,否則我會以為你唔再愛我。
98. 從來冇男人要我食飯俾錢,如果你覺得男女朋友食飯要aa制,你可以去死。
99. 我最重視既係情人節,聖誕節,仲埋我地既紀念日。
100. 唔好話我奢侈, 如果你了解我既過去,應該明白我已經控制得好好。



【此文章刊載於石先生部落;標題:男友一百戒條;本篇文章為贊助內容;強制廣告:HisTrend.HK 給你不一樣的科技產品】


Stone IP 目前是自由撰稿工作者 + 社群網站經營,曾經於 Engadget 中文版工作八年之久,職至高級編輯。文章撰寫以貼近生活為主,內容以科技網絡與旅遊紀錄較多。此博客瀏覽量已超越達到 1,300 萬。