Monthly Archives: March 2008

一巴掌的力量

http://view.break.com/476254 - Watch more free videos不要看輕一巴掌的力量,看似輕輕的一巴掌,卻為面容帶來沉重的傷害。一巴掌只要少許的偏差,便足以令一個人的鼻失去功能,眼因此以失明,耳因此以失聰。請緊記不要給人家一巴掌,多給大家一個擁抱。

男友一百戒條

剛剛看了一個女性友人的blog,內有這個男友一百戒條。雖然有部份係個人喜好,但係都幾有參考價值。可以知道女仔平時係點踗野的。1. 你可以同任何16歲以上無血緣關係既女性單獨外出或者傾超過5分鐘電話,不過後果自負。2. 我‘meet’你既時候你唔准縮。3. 我會check你既來電顯示,你都可以,睇下到時邊個心虛d。4. 陳方安生都係人,佢唔會24小時笑面迎人。5. 唔好俾我見到你著白襪 (特殊情況除外)。6. 我明白每個人都有過去,你會有舊情人既相呀信呀禮物呀,但係唔好o係我面前飄揚,有咩爛左唔好怪我。7. 我鍾意收情信,但係好憎見到錯別字。8. 每日起碼要打三次電話俾我,因為我會掛心。9. 要俾我知你每日去左邊,我唔係要check你行蹤,因為我想知道你有冇時間o黎接機,幫我拖行李。10. 我地未必可以一生一世,但希望你同我一齊既時候,每一刻都對我認真。11. 我鍾意既手袋牌子係 juicy couture、channel ,anya hindmarch同coach,你千祈唔好買patrick cox同westwood俾我。12. 你心裡面諗d咩,一定要同我講,因為我after school之後唔想用腦。13. 我去dating同clubbing你叫我玩得開心d既話,我會信以為真,跳到天光飲埋早茶先走。14. 我鍾意男朋友買禮物俾我。15. 我希望你會記得一切既大時大節生日同紀念日。你唔記得我會提你,如果你咁都唔在意,我會黑面。16. 男子以才為貌,但係都要乾乾淨淨。17....

我們是幸褔的

我們是幸褔的。生在小康之家的我們。不算富有,但未至於要為三餐而煩惱,閒時還有時間到處走走,一生下來好像沒有太大的困難。家人不會著望我們成龍成鳯,最大的心願或許只希望我們能夠平安渡過一生,只要做一個平凡人便可以了。我們不用背負金錢,學業等等的壓力,相信較一般人輕鬆吧!如果我們生在大富之家,家人期望我們繼承家庭事業,做一個專業人士,做一個有作為的人,對社會有貢獻。或許我們未來的道路不如富家子弟,但至少我們現在做的均是我們想做的。算是應了新年的賀年語句:心想事成。

Press Release

最近有朋友問我Press Release係點嘅呢,我剛剛收到一份,一於post出來,等大家可以睇睇。 呢一張Press Release屬於Reminder,即係話佢主要係提醒你有咩活動,多數係係活動前一個星期到出。係入面你可以見到有呢件事的性質,有咩人會到場,會做啲咩野。 好似呢個儀式咁,會話你知係頒啲咩獎,大概會有啲咩人出現,時間地點等等。同時係最底會有埋成件事負責人,等你如果有需要做專訪呀咁,你可以預先同佢講聲,等佢安排下。

雖然我唔buy你,但我接受

雖然我覺得你好廢,教唔到人野,又成日抽啲女學生水。但係你有你的市場,我有我的睇法,或者好似『人在中環』咁話,人的看法是主觀的,我唔鐘意唔代表其他人唔鐘意,我接收你的作品及做法。但只僅至於此,對於你成日抽啲女學生水,我係唔會當睇唔到的。人在中環 ﹣清泉以前,我有好多睇唔過眼既人,覺得佢地冇料水皮肉麻,唔明佢地點解依然有市場,響社會上撈得咁掂。我又曾經覺得呢個世果有好多質素好低既產品,好睇呢d野唔起:唱歌唔好聽既歌星,文字寫得好爛既作家,球技好屎既靚仔球星等等等等。於是我覺得呢個世界上,人既水平都墮落晒,俾呢d低水平低既產品害死啦…好彩,自己仲能夠保持清高水平,唔受呢d劣質產品污染。我講埋d咁既野,係咪想打我一鑊?人既喜惡,係極度主觀既。包括小弟既喜惡,都係一樣咁主觀。例如好多人都知我鍾意鄧麗欣。小弟覺得佢靚女有氣質,我諗各位睇緊我呢篇文章既讀者朋友當中,可能唔知有幾多個人打算向我擲雞蛋,笑我Bad Taste啦下話?細個既時候,我會一廂情願覺得自己既喜惡,對社會上既好多睇法係真理黎既。對一d我覺得低俗冇品味既野,我會好鬼睇佢唔起。當然,年少既CK多少會從呢種「睇人唔起」既自傲心態當中,得到一d覺得自己有Taste有個性既滿足感。後來我做左生意佬,成為一個要向消費市場製造商品既人,我既體會就有好大既改變。要一件商品,成為暢銷既產品,負責製造既人,多少要嘗試代入受眾既角度去諗。好多我覺得好cheap好冇品味既東西,原來對好多人黎講都係有佢既價值同吸引力響度。我對一d爛人爛事唔buy,並唔係因為我高人一等,而係每個人都有唔同既背景性格同際遇,呢d千千萬萬唔同既組合,拼湊出人好多好多唔同既品味同喜惡。假如我覺得眼前呢件商品好爛,然而我就認定買呢件商品既人都係一個爛人,咁,我諗我除左係目中無人之外,仲係非常幼稚。世界一向就唔係咁單一,一件對我冇價值既野,對另一d人,可能係寶。只不過,你既性格背景過去等等東西所拼湊出黎既「你」,冇辦法亦冇能力去感受到當中既價值遮。世界上每個人對不同既事物,感受有所不同,其實正常不過,亦冇咩話高低之分既。社會上有千千萬萬會讓你覺得爛到不堪既人同事。不過,當你覺得週圍所有野都好似好爛,幾乎只剩低你同埋你身邊少數好朋友係俗世清泉既時候,都唔等如呢個社會真係墮落左既。或者,真正墮落左既,只係你心入面對週遭既包容。俗世清泉抑或係目中無人,有時,都只係一線之差。

錢係可以咁數嫁??

[youtube https://www.youtube.com/watch?v=AJz1uomo18c&rel=1&border=0]猶記得中國語文課本中,孔乙己排出九文大錢付款的場面。世界各地有不同的數錢方法,絕不能單憑一個數錢方式以判斷人的取向。這正是不同文化的分野,你又可有想過,錢是可以這樣數的?